Transcription
1
Monseigneur, au retour de monsieur le president de Portes, il me bailla deux lettres de
2
madame la grand quelle mescript pour ces affaires, lesqueles je vous envoye
3
par mon laquaix. Je pence que vous an aurés receu une quest à vous ; et
4
pour monstrer le bon office que messieurs les gens du roy, tant de la chambre
5
que de la court, ont faict sur les lettres de don, je vous envoye une coppie
6
des conclusions prinses tant dune partie que daultres sur lesqueles
7
neantmoingz je ne mareste pas beaucop, car il se trouvera par
8
la lecture desdites lettres que le roy a derogé à toutes ces ordonances
9
et aux derrogations des derrogations et ne lerra pour tant de
10
representer aultre règle demain, non obstant les conclusions de
11
ces messieurs pensans y avoir esgard de passer oultre ; et sil
12
vous plaisoict parce laquaix en escripre en particullier ou
13
en general à la court, ce seroict bien maintenant le coup car il
14
sen fera ung arrest, soyt de la veriffication ou renvoy,
15
et scay bien quil feroit plus destat de voz lettres que de celles
16
du roy ne du duc de Scavoye. Je cognoy bien ceulx qui sont
17
de bonne volunté et les aultres qui ne le sont et les rancoeurs pourquoy.
18
Or monseigneur, javoye remis à la première commodité vous escripre
19
que après le grand contentement que les dames ont heu de remettre
20
le bal, elles nont pas heu grand joye à la reformation des
21
habitz, mesmes de ceulx de coleur que pour la dernière foys
22
quelles pencent les porter, ilz ne tièrent bien les rues. Avant-hier,
23
à la procession, il y avoict pour le moingz dix huict ou vingt
24
robes de velours avec panssementz dor et dargent, y comptant cele
25
de madamoiselle du Motet de velours violet cramoisi, toute couverte
26
le corps de grantz et larges passementz dargent avec des grosses
27
[96 v°] eguillietes dor sur les menches et au devant de la robe accompagnée
28
de la cotte de satin cramoysi à fondz dor rayé dargent. Elle
29
gaignoyt de tabernacle ; puys à laprès souppé au bal chez
30
monsieur du Monestier, elle avoyt changé daultre habit
31
au si beau et aussi riche : un manteau de panc cramoysi
32[barré : avec ] presque tout couvert de passementz dor et les boutons de
33
mesme, un corps de satin rayé dor faict à lespaignolle.
34
Or y avoyt il partaige de bal partaige du je[u] des
35
dames, partie chez monsieur le gouverneur et partie chez
36
monsieur du Monestier, où il y eust masques à force.
37
Tout ce soir, monsieur du Molar tint le bal comme jà
38
le dimanche au paradvant. Il avoyt faict tant à laprès
39
disnée qu’à laprès souppés, remectant ses affaires à la
40
volunté de messieurs. Et, à ce que jay peu entendre, il ne
41
continue le bal que par oppignon quil a destre amoureulx
42dune [barré : feme ] dame maryée, et nen pert pas un ne une
43
cadance. Lon a descouvert ces jours passés des amours
44
que lon a veu esclorre par ce quelles avoyent jà long temps
45
conue de quoy monsieur de Bazemont nen sera pas trop ayse
46
si jà il nen prins asseurance de la damoyselle
47
sa maistresse parce quil y a ung consellier de la court qui est
48
logé où estoyt monsieur de Marcieu et la damoyselle
49
vis-àvis chez le secretaire Rossignol, nayant que la
50
rue entredeulx, où il peult plus commodement faire entendre
51
ces passions. Elle est belle vefve, honeste, de bon lieu
52
et de bonne part, et aymable et daussi belle taillie que damoiselle
53
[97] de ceste ville. Jen ay jà faict la guerre audit sieur de Bazemont, mays
54
il se promet quelque asseurance. Elle a jà heu deux
55
marys, mays je croy que lung ne laultre nont trouvé le secret
56
de la noce. Le plus grand inconvenient qui puisse advenir
57
est que tous les vins vieulx de ceste ville sont cy caichés quon
58
nen peult plus trouver ; et le malheur est que je ne me puys
59
acomoder aulx noveaux, car mon naturel est de ne mabiller
60
de vert. Sil vous plaisoyt menvoyer une commission
61
pour en faire recherche, il sen trouveroyt encor assés comp[l]etement
62
pour votre venue aux estatz, tant blanc que clairet et ce
63
en vous actendant je macomoderoys aultrement vous serés
64
fort mal abreuvé. Pencés y : ung adverti en vault deulx.
65
Ce sont affaires domestiques et proffitables à la santé
66
de laquelle vous debvés estre curieulx, sy tant est
67
je feroy si bien mon debvoyr que naurés occasion destre
68
faché contre moy, y deussé-je appeler votre aulmonier
69
qui nest pas maintenant guière empesché. Et actendant
70
de recepvoyr voz commandementz, je supplieray le Createur
71
vous donner
72
monseigneur, en parfaicte santé, heureuce vie et longue. De Grenoble,
73
ce IIIIe jour de febvrier 1574
74
Avoyr veu les lettres de madame la grand, je vous supplie les me renvoyer
75
pour luy faire responce ; et sil vous plaict luy escripre, jaymerey luy
76
faire tenir leuremède [sic] par la voye du chevaucheur de Montmelian.
77
Monsieur le president a jà faict puys son arrivée quatre ou cinq entrées pour apointer
78
monsieur Bovier et sa feme, mais ilz ne pencent venir au poinct car il se veult
79
reserver le droict de retention comme monsieur Lhemery demandoit quon remetoit
80
le tout à votre venue.
81
Votre très humble serviteur
82
Duvant